سید ابوالبرکات نظمی نے مزید کہا کہ عالمی سطح پر ایک ایسا قانون بنایا جانا چاہئے جس میں کسی بھی مذہب کے خلاف بُرا کہنے والوں کو سخت سزا دینے کا انتظام ہو۔
خیال رہے کہ عالم اسلام کے مسلمانوں کی جانب سے فرانسیسی صدر ایمیونل میکخواں کے خلاف شدید احتجاج جاری ہے۔
فرانس کے صدر ایمیونل میکخواں کا پیغمبر دو عالم سیدنا محمد مصطفیؐ کی شان میں گستاخی کرنے والے چارلی ہیبڈو کے کارٹونسٹ کا دفاع کرنے اور پھر اسے اظہار رائے کی آزادی قرار دینے کے تعلق سے دنیا بھر کے مسلمانوں میں ناراضگی بڑھتی ہی جا رہی ہے۔
گذشتہ دنوں سے پوری دنیا کے ممالک بالعموم اور مسلم ممالک میں بالخصوص فرانس کے صدر کے خلاف غم و غصہ دیکھا جا رہا ہے، اور مسلمان اپنے اپنے طریقے سے رسالت مآب کی بارگاہ میں گستاخی کرنے والوں کے خلاف اپنے اشتعال کا اظہار کر رہے ہیں۔
اسی سلسلے میں معروف رہنما اور بابری مسجد ایکشن کمیٹی کے تاسیسی رکن سید ابو البرکات نظمی نے سخت الفاظ میں فرانسیسی صدر کی مذمت کی نیز انہوں نے مسلمانوں کو بھی متحد رہنے کا مشورہ دیا ہے۔
مزید پڑھیں:اقتدار کے لیے سبھی حدیں پار
یہاں ابوالبرکات نظمی سی ای ٹی وی بھارت کی بھارت کی بات چیت کا مختصر حصہ پیش کیا جا رہا ہے۔
