ریاست اتر پردیش کے شہر بریلی میں جن سیوا ٹیم کی جانب سے معذ وروں کے لیئے یو آئی ڈی کارڈ بنانے کے لئے ایک کیمپ کا انعقاد کیا گیا۔ جس میں سینکڑوں معذوروں نے شرکت کی۔ یو آئی ڈی کارڈ بنوانے کے بعد معذوروں کے اعداد و شمار کرنے میں آسانی ہوگی۔
Conduct Special Camp for Making Special Cards for the Disabled
بریلی میں جن سیوا ٹیم نے پرانہ شہر کے جگتپور علاقے میں واقع ڈاکٹر شاہ زیب حسن کے کلینک پر ایک کیمپ منعقد کیا۔ اس موقع پر ڈاکٹر شاہ زیب حسن نے کہا کہ معذ وروں کو یو آئی ڈی کارڈ بنوانا ضروری ہے۔ ایک وقت ایسا آئےگا جب اسے لازمی کر دیا جائےگا۔ اُس صورت میں تمام معزور اِدھر اُدھر بھٹکتے ہوئے نظر آئیں گے۔
انہوں نے مزید کہا کہ اس کیمپ کو منعقد کرنے کا مقصد یہ ہے کہ ایک ہی مقام پر تمام معذور جمع ہو جائیں، اور اُن کا یو آئی ڈی کارڈ بنوایا جائے، یہ کارڈ ایک شناختی کارڈ کی طرح کام کرےگا۔
مزید پڑھیں:Ration Dealers Protest in Bareilly: بریلی میں راشن ڈیلرز کا احتجاج
جن سیوا ٹیم کے رکن صادق حسین نے کہا کہ اس کیمپ کا انعقاد ضلع معذور مرکز اور محکمۂ معذور امپاورمنٹ کے تعاون سے کیا گیا ہے۔ جس میں یو آئی ڈی کارڈ بنوانے کے ساتھ ہی ریاستی حکومت کے ذریعہ معذوروں کے مفاد میں چلائی جا رہی تمام اسکیمز سے متعلق معلومات بھی فراہم کرائی گئیں۔معذ وروںکو ملنے والی معذور پینشن،وہیل چیئر،ساز و سامان، ٹرائی سائیکل، سمارٹ کین اور کان کی مشین حاصل کرنے کے متعلق بھی معلومات فراہم کرائی گی۔
