مظفرنگر: ریاست اترپردیش کے ضلع مظفر نگر کے رہائشی سماج وادی پارٹی کے رہنما شمشیر ملک نے سماج وادی پارٹی کے قومی صدر اکھلیش یادو کو اپنے خون سے لکھا ہوا خط بھیجا ہے جس میں انہوں نے مین پوری کے عوام اور مظفر نگر کے کھتولی کے عوام کا ایس پی امیدواروں کو شاندار جیت دلانے پر شکریہ ادا کیا ہے۔ SP leader writes a letter to Akhilesh Yadav in blood
اس دوران ایس پی یوتھ بریگیڈ کے ریاستی سکریٹری شمشیر ملک نے کہا کہ یہ الیکشن نیتا جی کی وراثت کا الیکشن تھا، مین پوری کے اس الیکشن میں لوگوں نے ڈمپل یادو کو جتا کر نیتا جی کی وراثت کو انہیں سونپنے کا کام کیا ہے۔ انہوں کہا کہ میں مین پوری کے باشندوں اور اکھلیش یادو اور ڈمپل یادو کو اس جیت کے لیے مبارکباد دیتا ہوں۔ انہوں نے کہا کہ میں یہ خط اپنے خون سے لکھ رہا ہوں کیونکہ ہم سماجوادی اپنے خون کا ایک ایک قطرہ دے کر بھی مین پوری اور کھتولی کے لوگوں کا قرض نہیں چکا سکتے۔ SP leader writes a letter to Akhilesh Yadav in blood
یہ بھی پڑھیں : کانگریس کارکن نے راہل گاندھی کو خون سے خط لکھا
