اترپردیش کے سابق وزیراعلیٰ اکھیلیش یادو ریاست اتر پردیش کے مرادآباد میں تین روزہ چلنے والے پروگرام میں شرکت کریں گے۔
سماج وادی پارٹی کے سینئر رہنما اور گو رَکشا آیوگ کے سابق صدر راہل ٹھاکر نے جانکاری دیتے ہوئے بتایا کہ اکھلیش یادو 12 مارچ 2021 کو مرادآباد پہنچ رہے ہیں۔
راہل ٹھاکر نے کہا آنے والے الیکشن کو لیکر سماج وادی پارٹی نے تیاریاں شروع کردی ہیں۔
ضلع مرادآباد کی 6 اسمبلی نشستوں میں سے سماج وادی پارٹی نے 4 نشستیں جیتی تھیں اور 2 نشستیں بی جے پی کو ملی تھیں۔
مزید پڑھیں:جمعیت علماء بنارس کے نئے ٹرم کے عہدیداران کا انتخاب مکمل، آگے کا یہ منصوبہ
انھوں نے دعویٰ کیا کہ آئندہ برس 2022 میں ہونے والے اسمبلی کے الیکشن میں 6 میں سے 6 نشستیں سماج وادی جیتے گی۔
انھوں نے وزیراعلیٰ یوگی آدیتہ ناتھ کی سخت نکتہ چینی کی اور کہا کہ اکھیلیش سرکار کے زمانے میں ریاست میں زبردست ترقیاتی کام انجام پائے تھے لیکن یوگی سرکار ایسا کوئی بھی کام نہیں کر پا رہی ہے۔
