اترپردیش کی نوئیڈا اسمبلی سیٹ سے سماج وادی پارٹی کے ٹکٹ پر انتخاب لڑ رہے سنیل چودھری اور ان کی اہلیہ نے نوئیڈا میڈیا کلب میں ایک پریس کانفرنس کے ذریعے بی جے پی کے رکن اسمبلی، کمشنر اور ایڈیشنل کمشنر پر سنگین الزامات عائد کئے۔
انہوں نے کہا کہ 'نوئیڈا کے کمشنر الوک سنگھ، ایڈیشنل ڈی سی پی رن وجے سنگھ اور کچھ ایس ایچ او اور راج ناتھ سنگھ کے بیٹے پنکج سنگھ میرے اور میرے کارکنان کے پیچھے پڑے ہوئے ہیں، ساتھ ہی نوئیڈا انتظامیہ کو بھی میرے خلاف کھڑا کردیا ہے۔
سنیل چودھری نے بتایا کہ انہیں تشہیر نہیں کرنے دی جا رہی ہے اور ان کے کارکنان کے خلاف کارروائی کی جا رہی ہے۔ اس سے وہ اتنا پریشان ہو گئے ہیں کہ اب ان کے پاس خودکشی کے علاوہ کوئی اور راستہ نہیں بچا ہے، انہوں نے کہا کہ اگر پولیس انتظامیہ نے ان کے ساتھ امتیازی سلوک بند نہیں کیا تو وہ خودکشی کر لیں گے۔
مزید پڑھین:
وہیں سنیل چودھری کی بیوی نوئیڈا میڈیا کلب میں پھوٹ پھوٹ کر روتے ہوئے کہا کہ ہم پر بہت ظلم ہو رہا ہے اور ہم اس طرح سے الیکشن نہیں لڑ سکتے ہیں۔ پولیس انتظامیہ ہمیں پریشان کر رہی ہے۔
