اترپردیش کے ضلع بارہ بنکی میں ہفتہ کے روز چھ نئے افراد میں کورونا وائرس کی تصدیق ہوئی ہے جس کے بعد ضلع میں مریضوں کی تعداد بڑھ کر 27 ہوگئی ہے۔
اس تعلق سے ڈسٹرکٹ مجسٹریٹ ڈاکٹر آدرش سنگھ نے بتایا کہ آج چھ لوگوں کی جانچ رپورٹ مثبت آئی ہے۔ اس کے بعد ضلع میں مریضوں کی کل تعداد بڑھ کر 27ہوگئی ہے۔ سبھی مریضوں کو ایل۔1 اسپتال میں داخل کرایا گیا ہے۔ اور علاقے کو سیل کردیا گیا ہے۔
وہیں اس پورے علاقے کو سینیٹائز کیا جارہا ہے۔ مریضوں کے رابطے میں آئے دیگر لوگوں کے بھی نمونے لے کر جانچ کے لئے بھیجے گئے ہیں۔
