ریاست اتر پردیش کے ضلع مرادآباد کے محلہ مغلپورہ کے پاس رہنے والی سات سالہ معصوم بچی عفیفہ نے ماہ رمضان کے اس مقدس مہینے کے اب تک کے پورے روزے رکھے۔ یہ بچی روزے رکھنے کے ساتھ نماز، تلاوت کا اچھی طرح سے اہتمام کر رہی ہے۔
جیسا کہ ہر کوئی کورونا وائرس سے خوف زدہ ہے، اور اس وائرس سے بچنے کے لیے تمام احتیاطی تدابیر کے ساتھ کورونا سے نجات کے لیے دعا مانگ رہے ہیں۔
عفیفہ بھی اس مہلک وبا سے نجات کے لیے ہر نماز اور افطاری کے وقت دعا مانگ رہی ہے۔
عفیفہ کے والد جاوید نبی خان نے بتایا کہ میری بیٹی نے ماہ رمضان کے پورے روزے رکھے ہیں۔ ایک روزہ بھی نہیں چھوڑا روزے رکھ کر اللہ کی عبادت کے بعد بس یہی دعا مانگی ہے کہ یا اللہ کورونا جیسی وبا سے ہمارے ملک کو نجات ملے۔
مزید پڑھیں:
سعودی عرب میں عید جمعرات کو ہوگی
انہوں نے بتایا کہ عفیفہ قرآن شریف کی تلاوت کرتی ہیں۔ روزہ رکھتی ہیں، نماز پڑھتی ہیں اور ساتھ ہی دنیاوی تعلیم بھی حاصل کر رہی ہیں۔
