ان حالات میں اسکول مالکان اور منتظمین کو خود ان تین مہینوں کی فیس آگے بڑھ کر معاف کرنے کا اعلان کرنا چاہئے تاکہ بچوں کے والدین کو کچھ راحت مل سکے۔
آج اپنی رہائش گاہ پر منعقد ابھیبھاوک سنگھ کی میٹنگ میں عارف انصاری نے کہا کہ کورونا وائرس نے پوری دنیا کو جھنجھوڑ کر رکھ دیا ہے، ان حالات میں سماجی، سیاسی اور معاشی معاملات پوری طرح ٹھپ ہوکر رہ گئے ہیں۔
ملک میں کروڑوں لوگ بے روزگار ہوگئے ہیں، بہت سے لوگوں کے سامنے دو وقت کی روزی روٹی کا مسئلہ کھڑا ہوگیا ہے، ایسے حالات میں اسکول منتظمین کے ذریعہ والدین سے فیس کامطالبہ کرنا سراسر غلط ہے۔
انہوں نے کہا کہ وقت کی مانگ ہے کہ اسکول مالکان اور منتظمین کو خود آگے بڑھ کر انسانیت کا ثبوت دینا چاہئے اور کورونا دور کے تین ماہ کی فیس مکمل طورپر معاف کرنی چاہئے۔
انہوں نے کہا کہ بچوں کے سرپرست ہمیشہ اسکول کا مکمل تعاون کرتے ہیں اب پریشانی کے وقت میں اسکول کا والدین کاساتھ دینا چاہئے۔
