ریاست اتر پردیش کے ضلع سنبھل کے چندوسی حلقہ سے رکن اسمبلی اور ریاستی وزیر گلاب دیوی نے آج بھارتیہ جنتا پارٹی کے دفتر میں ایک پریس کانفرنس کا انعقاد کیا جس میں ایس سی طبقے سے تعلق رکھنے والے طلباء کی تعلیم کے لئے مرکزی حکومت کی جانب سے چلائے جارہے اسکیمز کے بارے میں بتایا۔
انہوں نے کہا کہ مرکزی حکومت کی جانب سے لائے گئے یہ تعلیمی منصوبہ ایس سی کے ان طلباء کیلئے ہے جو طلباء دسویں کلاس پاس کرنے کے بعد اپنی غریبی کی باعث پڑھائی چھوڑ دیتے ہیں۔ ایسے طلبا کو اعلٰی تعلیم حاصل کرنے کے لئے اس منصوبے کے تحت وظیفہ دیا جائے گا تاکہ آنے والے پانچ سالوں تک وہ تعلیم حاصل کر سکیں۔
ریاستی وزیر نے بتایا کہ اس سال 2021 اور 22 شروع ہوئے اس اسکیم کے مطابق طلباء کے بینک اکاؤنٹ میں ڈی بی ٹی موڈ کے ذریعہ سیدھے پیسے دئے جائیںگے انہوں نے یہ بھی کہا کہ پچھلے سالوں کے مطابق امسال منصوبے کی رقم میں پانچ گنا اضافہ کیا جائے گا اب یہ رقم گیارہ سو کروڑ سے بڑھ کر چھ ہزار کروڑ سالانہ کردی جائے گی۔
