ریاست اترپردیش کے شہر بریلی میں درگاہ اعلیٰ حضرت سے وابستہ آل انڈیا تنظیم علما اسلام کے جنرل سیکریٹری نے اعلان کیا ہے کہ 28 جون کو منعقد ہونے والے مرحوم مفتی اختر رضا خاں ازہری میاں تاج الشریعہ کے دوسرے عرس کے موقع پر تقریباً پانچ ہزار یتیم بچّوں کو وظیفہ دیا جائےگا۔
خیال رہے کہ بطور وظیفہ یہ رقم یتیم بچّوں کے اکاؤنٹ میں پہنچائی جائےگی۔
واضح رہے کہ درگاہ اعلیٰ حضرت کی عظیم تیرن شخصیت اختر رضا خاں ازہری میاں تاج الشریعہ کا سنہ 2018 میں انتقال ہوگیا تھا، اُنہیں درگاہ اعلیٰ حضرت کے نزدیک ازہری مہمان خانہ میں تدفین کیا گیا۔
خیال رہےکہ سنہ 2019 میں تاج الشریعہ کا پہلا عرس متھرا پور میں مدرسہ جامعتہ الرضا میں منعقد کیا گیا تھا، جبکہ اس برس تاج الشریعہ کا دوسرا عرس منایا جائےگا۔
درگاہ کی قدیمی تنظیم جماعت رضائے مصطفےٰ نے اسلامی تاریخ چھ ذی قعدہ اور انگریزی کلینڈر کے مطابق 28 جون کو تاج الشریعہ کا دوسرا عرس منایا جائےگا۔
یاد رہے کہ جماعت پہلے ہی اعلان کرچکی ہے کہ اس برس عرس کی تمام تقریبات آن لائن منعقد کی جائیں گی۔
آل انڈیا تنظیم علما اسلام کے جنرل سیکریٹری نے بھی اعلان کیا ہے کہ اسی دن یعنی 28 جون کو ملک کے تقریباً پانچ ہزار یتیم بچّوں کو فی بچّہ دو ہزار روپے بطور وظیفہ دیا جائےگا، خواہ وہ بچہ کسی بھی مذہب سے تعالق رکھتا ہو۔
یہ وظیفہ حاصل کرنے کی کچھ شرائط بھی ہیں، بچّہ کی عمر چودہ برس سے کم ہونی چاہیے، اور وہ جن کےساتھ رہتا ہے، اُن کا بینک اکاؤنٹ نمبر، اور سرپرست کا آدھار کارڈ دکھانا لازمی ہوگا۔
