واضح رہے کہ مرکزی حکومت کی جانب سے اقلیتی طلبہ کو دیے جانے والے وظیفے کے فارم بھرنے کی آخری تاریخ 30 نومبر ہے، لیکن ابھی تک صد فیصد فارم بھرے نہیں گئے ہیں۔
مدارس کے نمائندوں کے مطابق کورونا وائرس کے خوف کی وجہ سے نہ تو طلبہ آ رہے ہیں اور نہ ہی ان کے والدین، جس کی وجہ سے ان سے رابطہ نہیں ہو پا رہا ہے۔
ان تمام وجوہات کی وجہ سے وظیفہ فارم بھرنے کی رفتار سست ہے۔
انہوں نے بتایا کہ ضلع اقلیتی بہبود افسر سون کمار کی جانب سے انہیں وظیفہ فارم بھروانے میں تیزی لانے کی ہدایت دی گئی ہے۔
مزید پڑھیں:
کوویکسین کا ٹرائل اے ایم یو میڈیکل میں جلد
وہیں ضلع اقلیتی بہبود افسر نے بتایا کہ 30 نومبر اقلیتی طلبہ کے وظیفہ کا فارم بھرنے کی مدت طے کی گئی ہے۔ انہوں نے کہا کہ تاہم ہم نے 90 فیصد تک کا کام پورا کر لیا ہے، لیکن کوئی بھی مستحق طلبہ فارم بھرنے سے محروم نہ ہو اس کے لئے اقلیتی اداروں کو خصوصی ہدایات فراہم کی گئی ہیں۔
