نوئیڈا: سیم سنگ نے اپنے ملازمین کے لیے ویکسینیشن مہم شروع کی

اترپردیش کے شہر نوئیڈا میں سیم سنگ نے پیپلز مہم کے تحت اپنے ملازمین کے لیے ویکسینیشن کی شروعات کی ہے۔

سیمسنگ انڈیا نے اپنے آر اینڈ ڈی سنٹر نوئیڈا میں ملازمین کے لئے ویکسینیشن مہم کا آغاز کیا ہے۔ اس ہفتے پہلے مرحلے میں 330 ملازمین کو ٹیکہ لگائے گئے ہیں۔ اگلے چند ہفتوں تک حفاظتی ٹیکوں کی مہم جاری رکھی جائے گی۔ یہ ویکسینیشن مہم سیمسنگ کی پیپلز مہم کا ایک حصہ ہے۔ جہاں سیمسنگ ملک بھر میں اپنے 50،000 ملازمین ، ان کے لواحقین، شراکت داروں اور پروموٹرز کے حفاظتی ٹیکوں کے اخراجات برداشت کرے گا۔

کمپنی نے بتایا کہ ملک بھر میں ویکسینیشن مراکز قائم کیے جائیں گے۔ اس کے لئے سیمسنگ نے اپنے ملازمین کو کامیابی کے ساتھ ویکسینیشن دینے کے لئے متعدد اسپتالوں کے ساتھ شراکت کی ہے۔ سیم سنگ نے ملازمین کی دیکھ بھال کو یقینی بنانے کے لئے ذاتی نقصانات ، تکالیف ، تناؤ اور وبائی امراض وغیرہ پر ماہرین کی خدمات لی ہیں۔ یہ ادارہ طبی دیکھ بھال ، گھریلو امداد اور ذہنی صحت کے لئے معاونت پیش کر رہا ہے۔