ان دنوں پٹرول اور ڈیزل کے ساتھ ساتھ کھانے پینے کی تمام اشیاء کی قیمتوں میں اضافہ ہوتا جا رہا ہے، لیکن سب سے زیادہ رسوئی گیس، پٹرول اور ڈیزل کے دام میں اضافہ ہوتا جارہا ہے جس سے عوام بری طرح سے پریشان ہے۔
انہیں باتوں کو لے کر کانپور میں سماج وادی پارٹی کی طلبہ تنظیم نے ایک مظاہرہ کیا۔ اس مظارہ میں سماج وادی پارٹی کے طلبہ تنظیم کے کارکنان نے اپنے ساتھ ایک بھینس کو لے کر ہاتھوں میں کتبہ لیکر مظاہرہ کیا۔
ان کتبوں میں لکھا ہوا تھا کہ 'کالا اکچھر بھینس برابر' مطلب جس طرح سے بھینس سے کچھ بھی کہو وہ کچھ نہیں سنتی اسی طرح سے موجودہ وقت میں اتر پردیش کی سرکار اور مرکزی سر کار بھی ہے۔ جس سے کچھ بھی مطالبہ کیا جائے یا مہنگائی کے خلاف کوئی بھی مظاہرہ کیا جائے یہ حکومت کچھ بھی سنوائی نہیں کر رہی ہے۔ انہیں باتوں کو لے کر سماج وادی پارٹی کی طلبہ تنظیم نے سڑک پر اتر کر حکومت کے خلاف مظاہرہ کیا۔
مزید پڑھیں: 'مطالبات پورے نہ کئے گئے تو چکا جام کریں'
مظاہرین نے حکومت کے خلاف نعرے بازی کی۔ ساتھ ہی حکومت سے مطالبہ کیا کہ پیٹرول ڈیزل کی اضافی قمیتوں میں کمی کی جائے۔
