مظفرنگر: ریاست اترپردیش کے سابق وزیر اعلی اور سماجوادی پارٹی کے بانی ملائم سنگھ یادو کا گزشتہ دنوں انتقال ہوگیا۔ ان کے انتقال سے سیاسی، سماجی حلقوں سمیت اترپردیش کے عوام بھی غمزدہ اور مایوس دکھائی دیے۔ ریاست کے ضلع مظفر نگر کے کلیکٹریٹ کے احاطے میں سماج وادی پارٹی سے جڑے کئی کارکنوں اور پارٹی کے عہدیداروں نے ملائم سنگھ یادو کو بھارت رتن دینے کے مطالبہ کرتے ہوئے ضلع انتظامیہ کو صدر کے نام میمورنڈم پیش کیا۔ SP Leader Writes To President Demanding 'Bharat Ratna' For Mulayam Singh Yadav
مزید پڑھیں:Ammar Rizvi on Mulayam Singh ملائم سنگھ یادو اقلیتوں کے مسائل سے کیوں دلچسپی رکھتے تھے
سماج وادی پارٹی کے رہنما شمشیر ملک نے بتایا کی آج ہم نے صدر جمہوریہ کے نام ضلع انتظامیہ کو ایک میمورنڈم پیش کیا ہے، جس میں یہ مطالبہ کیا گیا ہے کہ سماجوادی پارٹی کے بانی ملائم سنگھ یادو کو بھارت رتن سے نوازا جائے، کیونکہ انہوں نے اپنی اپنی پوری زندگی ملک کی خدمت کی۔ انہوں نے مزید کہا کہ وہ تین دفعہ ریاست کے وزیر اعلی رہے،اس کے علاوہ ملک کے وزیر دفاع کے طور پر بھی وہ اپنی خدمات انجام دے چکے ہیں،اسی لئے صدر جمہوریہ سے یہ مطالبہ ہے کہ انہیں بھارت رتن سے نوازا جائے۔
