ضرورت مند کی ضرورت کو پورا کرنا ہمارا آئینی فرض: راہل ٹھاکر

سماج وادی پارٹی سے گئو رکشک محکمے کے سابق وزیر راہل ٹھاکر نے ہولی کی مبارکباد دیتے ہوئے کہا کہ ہمارا ملک ایک ایسے دور سے گزر رہا ہے، جہاں ملک میں زیادہ تر لوگ پریشان اور بے بس ہیں، ہمارا یہ فرض ہے کہ ہم ان کی ضروریات کو پورا کریں۔

ریاست اترپردیش کے مرادآباد ضلع کے سماج وادی پارٹی سے گئو رکشک محکمے کے سابق وزیر راہل ٹھاکر نے ہولی کی مبارکباد دیتے ہوئے عوام کو ایک خاص پیغام دیتے ہوئے کہا کہ ہمیں ضرورت مندوں کی مدد کرنی چاہئے، چاہے وہ کسی بھی مذہب ملت قوم یا برادری سے تعلق رکھتا ہو خصوصی طور پر تہوار کے موقع ان کا خاص دھیان رکھنا چاہیے۔

انہوں نے کہا کہ ہمارا ملک ایک ایسے دور سے گزر رہا ہے، جہاں ملک میں زیادہ تر لوگ پریشان اور بے بس ہیں، ہمارا یہ فرض ہے کہ ہم ان کی ضروریات کو پورا کریں اور بالخصوص ان کا خاص دھیان رکھیں، تاکہ وہ بھی تہواروں کو اچھے سے منا سکیں اور اپنی ضروریات کو پورا کرسکیں۔

انہوں نے مزید کہا کہ ہر شخص کی خواہش پوری ہونی چاہیے، ہمارا فرض ہے کہ ہم ان کی دو سے لے کر کھانےاور کپڑے جیسی تمام بنیادی ضروریات کو پورا کریں اور ہر مذہب ہمیں یہی پیغام دیتا ہے۔ انسانیت کا بھی یہی پیغام ہے کہ انسان کو دوسرے انسان کی مدد کرنی چاہیے۔ ضرورت مند کی ضرورت کو پورا کرنا ہمارا آئینی فرض ہے۔