بارہ بنکی: سم درشی سماج پارٹی نے فاونڈیشن ڈے منایا

اس پارٹی کا دعویٰ ہے کہ وہ قانون کی حکومت دینا چاہتی ہے۔ ان کا کہنا ہے کہ اب تک کی جو بھی حکومتیں آئیں ہیں وہ قانون کا راج قائم کرنے میں ناکام رہی ہیں۔

ریاست اترپردیش میں جیسے جیسے اسمبلی انتخابات نزدیک آتے جا رہے ہیں، ویسے ویسے پارٹیوں اور اتحاد کا سیلاب سا آتا جا رہا ہے۔

اتر پردیش کے بارہ بنکی میں سم درشی سماج پارٹی نے اپنا 5واں فاؤنڈیشن ڈے منایا۔ سب سے خاص بات یہ ہے کہ مذکورہ پارٹی60 پارٹیوں کے ساتھ اتحاد کر چکی ہے۔ اور اس اتحاد کا نام آئی دی اے رکھا گیا ہے۔

بارہ بنکی شہر کے سیول لائین میں واقع گاندھی بھون میں سم درشی سماج پارٹی کے فاؤنڈیشن ڈے کے موقع پر پارٹی کے تمام رہنماوں نے اپنے کارکنان کو پارٹی کی پالیسیز اور ٹارگیٹ سے رو بہ رو کرایا۔

مذکورہ پارٹی کا دعویٰ ہے کہ وہ قانون کی حکومت دینا چاہتی ہے۔ ان کا کہنا ہے کہ اب تک کی جو بھی حکومتیں آئیں ہیں وہ قانون کا راج قائم کرنے میں ناکام رہی ہیں۔ پارٹی کا کہنا ہے کہ اگر ایسا نہیں ہوتا تو لکھیم پور تشدد کے ملزمان کو فورا سزا مل جاتی۔ پارٹی کے قومی صدر نے بتایا کہ وہ 60 پارٹیوں کے اتحاد میں ریاست کی تمام نشستوں پر انتخابات لڑے گی۔ انہوں نے کہا کہ ان کی پارٹی میں تمام مذاہب اور طبقات پر پوری توجہ دی جائے گی۔