اترپردیش کے ضلع سہارنپور پولیس نے ایس پی دیہات اور سرکل آفیسر کی قیادت میں تھانہ فتح پور کے رڑکی روڈ پرواقع گاوں بھینسا راو سے متصل مندر کے قریب سے دو بدمعاشوں کو تصادم کے بعد گرفتار کرلیا ہے۔
گرفتار ملزموں کے پاس سے پولیس نے ایک موٹر سائیکل ایک غیر قانونی طمنچہ اور 490 گرام اسمیک برآمد کی ہے۔ جس کی قیمت تقریباً 50 لاکھ روپیہ بتائی گئی ہے۔ پولیس کے مطابق ملزم بہت ہی شاطر قسم کے بدمعاش ہیں جن کے خلاف ضلع کے مختلف تھانوںمیں متعدد مقدمات درج ہیں۔
اے ایس پی سید علی عباس نے بتایاکہ گزشتہ رات دونوں بدمعاش گاوں بھینسا راو کے نزدیک بائک سے گزر رہے تھے۔
جب پولیس نے انہیں روکا تو دونوں نے پولیس پرفائرنگ کردی، لیکن پولیس نے سوجھ بوجھ کامظاہرہ کرتے ہوئے نہ صرف خودکو بچایا بلکہ دونوں بدمعاشوں کو گرفتار بھی کرلیا علی عباس کے مطابق ملزموںکے پاس سے ایک موٹر سائیکل اور دیسی طمنچے کے علاوہ 490 گرام اسمیک برآمد ہوئی جس کی قیمت تقریباً 50 لاکھ روپیہ بتائی جارہی ہے۔
یہ لوگ بریلی سے اسمیک لاکر ضلع کے الگ الگ مقامات پر فروخت کرتے ہیں۔ دونوں کے خلاف مقدمہ قائم کرکے انہیں جیل بھیجنے کی تیاری ہورہی ہے۔
انہوںنے بتایاکہ یہ نہایت شاطر قسم کے بدمعاش ہیں جن کے خلاف پہلے سے مختلف دفعات تحت مقدمات درج ہیں اور پولیس کو ان کی تلاش تھی۔
