سہارنپور: ضرورتمندوں میں راشن تقسیم

لاک ڈاؤن کے دوران مختلف سماجی تنظیمیں اپنے اپنے طریقے سے غریبوں کی مدد میں لگی ہوئی ہیں جس میں اتر پردیش کے سہارنپور کا 'شبھ چِنتک فاؤنڈیشن ٹرسٹ' بھی شامل ہے اور اس کی جانب سے ضرورتمندوں میں راشن تقسیم کیا جا رہا ہے۔

ٹرسٹ کے عہدیداران اکھل جین اور ابھیشیک جین کی رہنمائی میں سہارنپور کے ششی نگر، لال والا روڈ، ریلوے روڈ سمیت دیگر مقامات پر راشن تقسیم کیا گیا۔

ابھیشیک جین نے بتایا کہ اس کٹ میں گھر والوں کے چار پانچ ممبران کے لیے 15 سے 20روز تک کا کھانے کا سامان جس میں چاول، دال، آٹا، نمک، مسالے، تیل، چینی وغیرہ رکھی گئی ہیں۔

انہوں نے بتایا کہ کورونا وائرس کے دوران غریب اور ضرورت مندوں کی مدد کے لیے ٹرسٹ کی جانب سے یہ مہم شروع کی گئی ہے جو ویب سائٹ کے ذریعہ سے چلائی جارہی ہے، اور اب تک سینکڑوں خاندانوں کو کھانے کا سامان مہیا کرایا گیا ہے۔

ابھیشیک جین نے لوگوں سے گزارش کی ہے کہ وہ بھی اس کام میں شریک ہوں۔