ریاست اترپردیش کے ضلع سہارنپور میں ان دنوں ضلع میں بازار، دکانیں کھولنے کا ایک پیغام سوشل میڈیا پر بہت وائرل ہو رہا ہے۔ پیغام میں کہا گیا ہے کہ ٹیکسٹائل مارکیٹ، صرافہ مارکیٹ، ہوزری مارکیٹ، لکڑی مارکیٹ، مٹھائیوں کی سب دکانیں کھولنے کی بات کہی گئی ہیں۔ ضلع مجسٹریٹ اکھلیش سنگھ نے نہ صرف اس پیغام کو سنجیدگی سے لیا ہے بلکہ اسے افواہ بتا کر اس کی تردید بھی کی ہے۔ ضلع مجسٹریٹ نے سوشل میڈیا پر افواہیں پھیلانے والوں کے خلاف کارروائی کا حکم بھی دیا ہے۔
لاک ڈاؤن کے چلتے ڈیڑھ ماہ سے ضروری سامان کی دکانوں کو چھوڑ کر تمام بازار، دکانیں بند ہیں۔ سرکاری سطح سے ہاٹ اسپاٹ علاقوں سے گروسری، زراعت کی دکانیں کھولنے کے لیے مشروط ہدایات دی گئیں ہیں۔ اس کے باوجود ضلع سہارنپور میں سوشل میڈیا پر افواہوں کو پھیلانے کی کوشش کی جا رہی ہیں۔ ان دنوں سوشل میڈیا پر تمام بازار، دکانیں کھولنے کی بات کی جارہی ہیں۔
