ریاست اترپردیش کے ضلع گوتم بدھ نگر میں آئندہ پنچایتی انتخابات کے پیش نظر ضلعی پولیس نے غیر قانونی شراب اور دیگر ممنوعہ مواد کی جانچ کے لئے مہم شروع کر دی ہے۔
اسی سلسلے میں کاسنہ پولیس نے پیریفرل سیرسا کٹ پر ایک مشکوک گاڑی کو روک کر تلاشی شروع کی، اس دوران پولیس نے بیگ میں رکھے ہوئے 25 لاکھ روپے نقد برآمد کئے۔
پولیس نے کار میں سوار افراد سے پوچھ گچھ کے دوران گاڑی کا کاغذ طلب کیا تو وہ کاغذ پیش کرنے سے قاصر رہا اور نہ ہی کوئی تسلی بخش جواب دے پایا۔ پولس کو شک ہے کہ یہ روپیے پنچایتی انتخاب میں خرچ کرنے کی غرض سے لے جائے جا رہے تھے۔
25 لاکھ روپے ضبط کر کے انکم ٹیکس محکمہ کو اطلاع دے دی گئی، اس کے ساتھ دیگر ضروری کاروائیاں کی جارہی ہیں۔ گرفتار کئے گئے ملزمان کے نام روہت گرگ، مردل، ویویک گرگ اور دیویندر گرگ بتایا جا رہا ہے اور یہ تمام گریٹر نوئیڈا کے رہائشی ہیں۔
