لاک ڈاؤن کے ضوابط کے مطابق ابھی بازاروں کو پوری طرح چھوٹ نہیں دی گئی ہے۔ خاص طور پر ہوٹلوں پر اب بھی پابندی ہے جس کی وجہ سے بس ڈرائیور کو کھانے پینے کی پریشانی ہو رہی ہے۔
مئو میں روڈ ویز بس سروس شروع لیکن بس ڈرائیور بنیادی سہولیات سے محروم
مئو روڈ ویز سے ایک ٹرپ میں بس لے کر جانے والے ڈرائیور دو سے تین روز میں واپس آ رہے ہیں۔ اس دوران انہیں راستے میں کچھ بھی کھانے پینے کے لیے دستیاب نہیں ہوتا۔ ان بس ڈرائیوروں کے لیے محکمہ ٹرانسپورٹ کی جانب سے بھی کوئی انتظام نہیں کیا جا رہا ہے۔ ڈرائیورز کے مطابق سخت گرمی میں گھر سے پکا ہوا کھانے لانے پر خراب ہو جاتا ہے۔
سرکاری بسوں کے ڈرائیور چاہتے ہیں کہ محکمہ ٹرانسپورٹ کی جانب سے لائسنس شدہ ریسٹورنٹ اور ڈھابے کھولے جائیں۔ تاکہ وہ سفر کے دوران بھوکے نہ رہیں۔
