اتر پردیش کے ضلع گوتم بدھ نگر کے نوئیڈا سیکٹر چھ میں قائم اندرا گاندھی آرٹ آف سینٹر میں ہفتہ واری روڈ سیفٹی کی اختتامی تقریب کا انعقاد کیا گیا۔
اس پروگرام میں رکن پارلیمان ڈاکٹر مہیش شرما بطور مہمان خصوصی موجود تھے، رکن پارلیمان نے اپنے خطاب میں محکمہ ٹرانسپورٹ کے عہدیداروں اور عملے کی جانب سے کووڈ 19 کے مشکل اوقات میں کیے گئے عوامی افادیت کے کاموں کی تعریف کی۔
رکن پارلیمان نے 'سڑک سیفٹی' پر کام کرنے والے طلباء اور ہیلمیٹ مین کہلانے والے سماجی کارکن کو ان کے تعاون پر اعزاز سے نوازا گیا۔
آج کے پروگرام میں آن لائن میڈیم کے ذریعہ 'سیف لائف فاؤنڈیشن' کے تعاون سے 'فرسٹ رسپانسڈ' کے تعلق سے ایک تربیتی پروگرام کا بھی اہتمام کیا گیا۔
آج کے پروگرام میں ٹرانسپورٹ کارپوریشن، محکمہ تعلیم، ٹریفک پولیس، محکمہ صحت وغیرہ کے افسران اور ملازمین بھی موجود تھے۔
