پولیس ترجمان نے منگل کو بتایا کہ منڈی دھنورا علاقے میں بدایوں۔پانی پت نیشنل ہائی وے۔51 پر واقع پتھر کوٹی پر چچیلا کلاں باشندہ علی شیر اپنے بیٹے سلیم کے ساتھ صبح موٹر سائیکل سے گاؤں جارہے تھے۔
رام گنگا پوشک نہر کے نزدیک ان کی تیز رفتار بائیک بے قابو ہوکر مخالف سمت سے آرہی بجری بھرے ٹرک کے نیچے آگئی، جس سے علی شیر(56) کی موقع پر ہی موت ہوگئی، جبکہ ان کا بیٹا شدید زخمی ہوگیا۔
انہوں نے بتایا کہ دوسرا حادثہ حسن پور کوتوالی علاقے میں بھیکن پور گاؤں کے سامنے ہوئی۔ پیر کی دیر رات تقریبا 11 بجے تیز رفتار کار نے بائیک کو ٹکر مار دی۔ حادثے میں بائیک سوار پھولپور گاڑی باشندہ موہت (16)اور اس کے مامو زاد بھائی آدم پور علاقے کے روپا ناگل باشندہ لوکیش(22) کی موت ہوگئی۔
مزید پڑھیں: دہلی میں کورونا کے سبب رواں برس بھی تعزیے کی اجازت نہیں
حادثے کے بعد ڈرائیور کار چھوڑ کر فرار ہوگیا۔ پولیس اس کی تلاش کررہی ہے۔
یو این آئی
