میرٹھ میں آر ایل ڈی کے ریاستی ترجمان شاداب چوہان کو نامعلوم شخص نے بذریعہ فون قتل کرنے کی دھمکی دی ساتھ ہی عدالت عظمیٰ کی بھی توہین کی گئی ہے۔
آر ایل ڈی کے ترجمان کو قتل کی دھمکی
شاداب چوہان کے مطابق بابری مسجد اور رام مندر معاملہ سے متعلق یوٹیوب پر ان کی ویڈیو دیکھنے کے بعد انھیں فون پر قتل کی دھمکی دی گئی ہے۔
انہوں نے کہا کہ ہم دلت پسماندہ طبقے کی آواز بلند کرتے ہیں جسے موجودہ حکومت ختم کردینا چاہتی ہے یہی وجہ ہے کہ اس نوعیت کی دھمکیاں مل رہی ہیں۔
انہوں نے کہا کہ دھمکی دینے والا خود کو سخت گیر ہندو تنظیم آر ایس ایس سے وابستہ بتا رہا تھا جس سے واضح ہے حکومتی کارندے دھمکی میں ملوث ہونگے۔
شاداب چوہان نے ایس ایس پی نتن تیواری سے اس کی تحریری شکایت کی ہے۔
واضح رہے کہ گذشتہ دنوں مغربی اترپردیش کے بجنور میں بی ایس پی رہنما حاجی محمد احسان اور ان کے بیٹے کو قتل کردیا گیاتھا۔
