ضلع علیگڑھ سے کل شام میں ایک رکشا چلانے والے صدام نام کے شخص کی اسکوٹی سوار شخص نے پٹائی کی جس کے بعد سے صدام لاپتہ ہے۔
صدام کے لاپتہ ہونے سے ناراض مقامی لوگوں نے کوتوالی کا گھیراؤ کیا۔ اس دوران صدام کے اہل خانہ، مسلم لیڈران اور خاصی تعداد میں مقامی لوگ پہنچے۔
پٹائی کے بعد صدام کے لاپتہ ہوجانے سے علاقے کے لوگوں میں ڈر کا ماحول ہے۔ مسلم لیڈران نے انتظامیہ سے درخواست دے کر صدام کو جلد سے جلد ڈھونڈنے کا مطالبہ کیا ہے۔
موقع پر موجود سماجوادی پارٹی کے مہانگر صدر عبدالحمید گھوسی نے بتایا کہ رکشا چلانے والا صدام نامی شخص بجھ پورہ، ڈھاکر والی گلی کا رہائشی ہے، جو شام پھول چوراہے سے عبدالکریم چوراہے کی جانب سواری لے کر جا رہا تھا۔ اس دوران ایک اسکوٹی والے نے صدام کے ساتھ مارپیٹ کی۔
اس کے ساتھ اور بھی لوگ تھے اور اس کے ساتھ مارپیٹ کی، اس واقعے کے بعد صدام لاپتہ ہے۔
مزید پڑھیں:
علی گڑھ: دو روہنگیا پناہ گزینوں کی گرفتاری
انہوں نے بتایا کہ پولیس اور عہدیداران سے ہم نے کئی مرتبہ پوچھا۔ پولیس کا کہنا ہے کہ ہم لوگوں نے ٹیم بنائی ہوئی ہے اور صدام کو ڈھونڈ رہے ہیں، لیکن ابھی تک صدام کا کوئی پتہ نہیں ہے۔ ہماری انتظامیہ سے درخواست ہے کہ صدام کا پتہ لگایا جائے وہ کہاں پر ہے اور کس حال میں ہے تاکہ ہم اس کے خاندان والوں کو جواب دے سکے، اور جن لوگوں نے اس کو پیٹا ہے ان کے خلاف سخت کارروائی کی جائے۔
