جھارکھنڈ میں ووٹنگ ختم، شام 5 بجے تک مجموعی طور پر 64.86 فیصد ووٹنگ ہوئی

جھارکھنڈ اسمبلی انتخابات کے تحت ووٹ ڈالے گئے۔ اس کے علاوہ وایناڈ لوک سبھا اور 31 اسمبلی سیٹوں پر ضمنی انتخابات جاری ہیں۔

حیدرآباد: جھارکھنڈ اسمبلی انتخابات 2024 کے پہلے مرحلے کی تحت آج ووٹ ڈالے گئے۔ پہلے مرحلے میں جھارکھنڈ کی کل 81 اسمبلی سیٹوں میں سے 43 پر انتخابات ووٹنگ ہوئی۔ اس مرحلے میں 1.37 کروڑ ووٹرز نے اپنے حق رائے دہی کا استعمال کیا۔ الیکشن کمیشن کے اعداد و شمار کے مطابق پہلے مرحلے میں کل 683 امیدوار میدان میں ہیں جن میں 609 مرد، 73 خواتین اور ایک تیسری جنس کا امیدوار شامل ہے۔ 43 حلقوں میں سے 17 عام نشستوں کے لیے، 20 درج فہرست قبائل کے لیے اور چھ درج فہرست ذاتوں کے لیے مخصوص ہیں۔

#JharkhandAssemblyElection2024 | Jharkhand (Phase-1)recorded 29.31% voter turnout till 11 am, as per the Election Commission of India. #WayanadByElection2024 | Wayanad recorded 27.04% voter turnout till 11 am, as per the Election Commission of India. pic.twitter.com/ohjDBHolK3

— ANI (@ANI) November 13, 2024

جھارکھنڈ میں ہائی پروفائل سیٹیں:

پہلے مرحلے میں جھارکھنڈ کی ہائی پروفائل سیٹوں میں سرائی کیلا، رانچی، جمشید پور ویسٹ، جگن ناتھ پور اور جمشید پور ایسٹ شامل ہیں۔ سابق وزیر اعلیٰ اور بی جے پی امیدوار چمپائی سورین سرائی کیلا سے میدان میں ہیں، جو اس سال کے شروع میں وزیر اعلیٰ ہیمنت سورین سے عدم اطمینان کی وجہ سے بی جے پی میں شامل ہوئے تھے۔

#WATCH | People queue up at a polling station in Ranchi to vote in the first phase of Jharkhand Assembly elections

Visuals from a polling station in Jawahar Nagar pic.twitter.com/MVWrj3OnuU

— ANI (@ANI) November 13, 2024

رانچی میں جے ایم ایم نے راجیہ سبھا کے موجودہ رکن مہوا ماجی کو میدان میں اتارا ہے۔ جمشید پور ویسٹ میں کانگریس امیدوار بننا گپتا کا مقابلہ جے ڈی یو لیڈر سریو رائے سے ہے، جو 2019 میں اس وقت کے وزیر اعلیٰ رگھوبر داس کو شکست دینے کے لیے سرخیوں میں ہیں۔ جمشید پور ایسٹ میں اصل مقابلہ کانگریس امیدوار اجے کمار اور بی جے پی کی پورنیما داس ساہو کے درمیان ہے۔ جگناتھ پور میں سابق وزیر اعلی مدھو کوڈا کی اہلیہ اور بی جے پی امیدوار گیتا کوڈا کا مقابلہ کانگریس لیڈر سونا رام سنکو سے ہے۔

#WATCH | Wayanad, Kerala: Congress candidate for Wayanad Lok Sabha by-elections Priyanka Gandhi Vadra says, " people are coming out and voting, it is a good thing. i hope everyone will exercise their democratic right and vote. this is the biggest strength given to the people by… pic.twitter.com/t2cM1YCtAN

— ANI (@ANI) November 13, 2024

وائناڈ لوک سبھا سیٹ پر ضمنی انتخاب:

اس کے ساتھ ہی کیرالہ کی وایناڈ لوک سبھا سیٹ اور مختلف ریاستوں کی 31 اسمبلی سیٹوں کے ضمنی انتخابات کے لیے بھی ووٹنگ جاری ہے۔ پہلی بار پرینکا گاندھی وایناڈ ضمنی انتخاب میں کانگریس سے لوک سبھا سیٹ سے انتخابات میں حصہ لے رہی ہیں۔ کانگریس لیڈر راہل گاندھی نے 2024 کے لوک سبھا انتخابات میں وایناڈ اور رائے بریلی سے دو سیٹوں پرفتح حاصل کی تھی۔ لیکن انہوں نے ایوان زیریں میں رائے بریلی کی نمائندگی کرنے کا انتخاب کیا، جس سے وائناڈ سیٹ خالی ہوگئی۔

آج سکم کی دو اسمبلی سیٹوں پر بھی ضمنی انتخابات ہو رہے ہیں لیکن دونوں سیٹوں پر ایک ایک ہی امیدوار تھا، اس لیے انہیں بلامقابلہ فتح یاب قرار دیا گیا۔

#WATCH | Assam: People queue up at a polling station in Nagaon to vote for the Samaguri Assembly by-polls. pic.twitter.com/XH1fLEZPPu

— ANI (@ANI) November 13, 2024

ان اسمبلی سیٹوں پر ضمنی انتخابات

راجستھان: جھنجھنو، رام گڑھ، دوسہ، دیولی اونیارا، کھنوسار، سالمبر اور چوراسی۔

مغربی بنگال: سیتائی، مدارہاٹ، نیہاٹی، ہاروا، مدنی پور، تلڈنگرا

آسام: دھولائی، سڈلی، بونگائیگاؤں، بہالی اور سماگوری۔

بہار: تراری، رام گڑھ، امام گنج اور بیلا گنج

مدھیہ پردیش: بدھنی اور وجے پور

کرناٹک: شگاؤں، سندور اور چننا پٹنہ

چھتیس گڑھ: رائے پور شہر جنوبی

گجرات: واو

کیرالہ: چیلکارا

میگھالیہ: گیمبیگری