ریاست اترپردیش کے ضلع اوریا کے بدھونا علاقے میں پولیس نے منگل کی علی الصبح تقریباً ڈیڑھ برس سے فرار چل رہے 15 ہزار روپے کے انعامی بدمعاش کو گرفتار کیا ہے۔
پولیس سرکل افسر مکیش پرتاپ سنگھ نے بتایا کہ ملزمین کی گرفتاری کے خلاف چلائی جارہی خصوصی مہم کے تحت آج صبح تقریباً 4:30 بجے کوتوالی پولیس نے بدھونا، الچھدا روڈ پر ریپڈ سکول موڑ کے نزدیک سے 15 ہزار روپے کے مفرور انعامی بدمعاش سریش کمار کو گرفتار کیا ہے۔
پولیس نے اس کے قبضے سے 315 بور کے دیسی طمنچہ سمیت کارتوس برآمد کی ہے۔
انہوں نے بتایا کہ سدیش ایک گروہ بند ملزم ہے جس کے اوپر لوٹ، چوری کے کئی معاملے درج ہیں، اور اس کے خلاف گینگسٹر کے تحت کاروائی بھی کی گئی تھی، جبکہ اس کے سبھی ساتھی گرفتا کیے جاچکے تھے، مگر یہ تقریباً ڈیڑھ برس سے فرار چل رہا تھا۔
واضح رہے کہ یہ ملزم نام و پتہ بدل کر روپوش تھا، ایس پی نے اس کی گرفتاری پر 15 ہزار روپیے کے انعام کا اعلان کیا تھا، جسے آج اوریا سے گرفتار کیا گیا ہے۔
