سنجے نِشاد نے کہا کہ ذات پر مبنی مردُم شماری کے اعداد و شمار کو شائع کر کے تمام طبقات کو ان کی آبادی کے مطابق معاشی طور پر کمزور افراد کو ریزرویشن دینا چاہیے۔
بارہ بنکی ضلع کے کرولی میں واقع پارٹی دفتر پر کارکنان اجلاس کے دوران سنجے نِشاد نے کہا کہ ہم اپنی ذات کے لوگوں ریزرویشن کا فائدہ دلانے کے لیے انہیں بیدار کر رہے ہیں۔ پارٹی کی جانب سے ریزرویشن کے لیے خصوصی دستخطی مہم چلائی گئی تھی۔
انہوں نے کہا کہ یہ تمام دستخط ٹرکوں میں بھر کر حکومت کے پاس بھیجی گئی ہیں۔ ہم اپنی ذات کے لوگوں کو ریزرویشن کی اہمیت بتا رہے ہیں کہ کس طرح ایس سی، ایس ٹی پر کوئی انگلی تک نہیں اٹھا سکتا۔
سنجے نِشاد نے کہا کہ جب سوَرنوں کو ریزرویشن 72 گھنٹوں میں دیا جا سکتا ہے تو ہماری ذات کے لوگوں کو کیوں نہیں۔ انہوں نے کہا ان کی پارٹی پنچایت انتخابات میں اکیلے انتخابات میں اترے گی۔ بی جے پی کے ساتھ آگے اتحاد جاری رکھنے اور کسی دیگر پارٹیوں کے ساتھ اتحاد جاری رکھنے کے سوال پر انہوں نے کہا کہ ان کے سماج کے لوگ جو طئے کریں گے اسی کے مطابق سب کچھ ہوگا۔
