ریاست اترپردیش کے شہر بارہ بنکی میں کوروناوائرس کو بے اثر کرنے میں ریڈ کراس سوسائٹی کے رضاکار بھی اہم کردار نبھائیں گے، ان رضاکاروں کو کووڈ-19 سے تحفظ کے لیے تشہیر اور افواہ ختم کرنے کی ذمہ داری دی گئی ہے۔
واضح رہے کہ ان رضاکاروں کو کس طرح سے کام کرنا ہے، اس کے لیے انہیں آج سی ایم او دفتر کے آڈیٹوریم میں خصوصی ٹریننگ دی گئی ہے۔
محکمہ صحت کے افسران کے ذریعہ ان رضاکاروں کو بتایا گیا کہ کیسے خود کو دور اور بچ بچاؤ کے ساتھ تشہیر کرسکتے ہیں۔
خیال رہے کہ ان رضاکاروں کو سرولانس ٹیم کے ذریعہ پائے گئے مشتبہ مریضوں کی نگرانی اور ان کی کاؤنسلنگ کی بھی ذمہ داری دی گئی ہے۔
ریڈ کراس رضاکاروں کو بتایا گیا کہ وہ واٹس ایپ اور سوشل میڈیا پر پیغامات بھیج کر اس کی تشہیر کرسکتے ہیں، اور لوگوں کو بیدار بھی کر سکتے ہیں۔
اتنا ہی نہیں بلکہ انہیں ٹریننگ کے دوران ماسک اور سینیٹائیزر کو لیکر بھی حالات واضح کیے ہیں۔
انہیں بتایا گیا کہ اس وقت سب سے بہتر ماسک ہے، اور جس طرح وہ باندھا جاتا ہے وہ طریقہ بھی سب سے مناسب ہے۔
سینٹائیزر کے علاوہ بتایا گیا کہ صابن سے ہاتھ دھونا بھی بےحد اہم ہے، یہ ضروری نہیں ہے کہ سینیٹائیزر سے ہاتھ دھویا جائے۔
