ضلع مظفر نگر میں راشٹریہ لوک دل کے درجنوں کارکنان اور عہدے داران نے یوکرین میں پھنسے بھارتی شہریوں Indian Students Stranded in Ukraine کو واپس لانے کے مطالبات کے پیش نظر مظفرنگر ضلع کلیکٹریٹ میں زبردست احتجاجی مظاہرہ کیا۔
بھارتی شہریوں کو یوکرین سے واپس لانے میں حکومت تیزی لائے
اس دوران انہوں نے کہا کہ 'حکومت کی جانب سے یوکرین میں پھنسے بھارتیوں کو واپس لانے کے لیے جاری کارروائی کو ناکافی قرار دیتے ہوئے کہا کہ 'یوکرین میں پھنسے شہریوں کو بھارت لانے میں حکومت مزید تیزی لائے۔
مزید پڑھیں: روس یوکرین جنگ، تصاویر کی زبانی
انہوں نے کہا کہ حکومت اس مسئلے کو سیاسی ایجنڈا بنارہی ہے اور اس سے سیاسی فائدہ اٹھانا چاہتی ہے، اس وجہ سے اس میں دیری لگا رہی ہے، ہم حکومت سے مطالبہ کرتے ہیں کہ اس مسئلہ کو سیاسی رنگ نہ دے کر زیادہ سے زیادہ طیارے یوکرین بھیجے، جس سے یہاں کہ شہریوں کی بحفاظت وطن واپسی ممکن ہوسکے۔
