اتر پردیش کی دارلحکومت لکھنؤ میں 24 ویں ہنر ہاٹ کا انعقاد 'ووکل فار لوکل' تھیم کے ساتھ لکھنؤ میں 23 جنوری کو وزیر اعلی یوگی آدتیہ ناتھ نے کیا۔
وزیر اعلیٰ نے خطاب کرتے ہوئے کہا تھا کہ "مودی جی نے آتم نربھر بھارت کے اصل شلپ کار ملک کے ہنر مندوں اور ان کی کاریگری کو مانا ہے۔" ہنر ہاٹ ملک کے ہنر مند دستکاروں شلپ کاروں کی دیسی مصنوعات کو موقع اور بازار فراہم کرانے کا بہترین پلیٹ فارم ہے۔
اتر پردیش کے سبھی 75 اضلاع اپنے مخصوص مصنوعات کے لئے مشہور ہیں جن میں لکھنؤ کا چکن کاری، بھدوہی کی قالین، بنارسی ساڑیاں، فیروزاباد کا کانچ کے سامان، مرادآباد کا پیتل، علیگڑھ کا ہارڈ ویئر، آگرہ و کانپور کا چمڑے کا سامان اور رام پوری چاقو ملک و بیرونی ممالک میں اپنی الگ شناخت رکھتے ہیں۔
ای ٹی وی بھارت سے خصوصی بات چیت کے دوران رامپور کے محمد یامین نے بتایا کہ میں رامپور کا واحد شخص ہوں جو رام پوری چاکو کا کاریگر ہے۔ انہوں نے کہا کہ میں اس کام میں 35 سالوں سے لگا رہا لیکن جب اس پر پابندی عائد کر دی تو دوسرا کام مجبوری میں کرنا پڑا۔
رام پوری چاکو کی تاریخ 200 سالہ قدیم ہے۔ رامپور کے نوابوں نے اس چاکو کا استعمال کیا تھا اور یہ چاقو ملک و بیرونی ممالک میں اپنی الگ شناخت کے لئے مشہور ہوا۔ لیکن ایک وقت ایسا بھی آیا جب یہ شاندار چاکو لوگوں کی نظروں سے اوجھل ہو گیا۔
یامین بتاتے ہیں کہ رامپور کے ڈی ایم صاحب میرے گھر آ کر مجھے کہا کہ ایک بار پھر سے رامپور کی پہچان رام پوری چاقو بنانے کا کام شروع کرو۔ اس کے بعد سے ہی مجھے اس کا لائسنس دیا گیا۔ ڈی ایم صاحب نے مجھے یہاں کے ہنر ہاٹ میں اسٹال لگانے میں پوری مدد کی۔
انہوں نے کہا کہ ایک زمانہ تھا جب بالی ووڈ میں راج کمار اور پریم چوپڑا یہی رام پوری چاقو استعمال کیا کرتے تھے۔ اکثر فلموں میں غنڈے موالی لوٹ مار کے لئے خوبصورت اور تیز دھار رام پوری چاقو نکال کر کسی بھی راہگیر کا سامان لوٹ لیا کرتے تھے۔
اس کے بعد سے ہی اس چاقو کو بہت خطرناک درجے کا مانا جانے لگا اور آنے والے وقت میں پابندی بھی عائد کر دی گئی تھی۔
یامین نے بات چیت کے دوران بتایا کہ ہنر ہاٹ میں ہمارے اسٹال پر بہت لوگ آتے ہیں لیکن خریداری سے گھبراتے ہیں کیونکہ انہیں لگتا ہے کہ کہیں پولیس چاکو کے ساتھ گرفتار نہ کر لے جبکہ یہ محض خام خیالی ہے۔ یہ چاکو خوبصورت اور رکھنے میں آرام دہ ہے لیکن کسی کو مارنے کاٹنے کے لئے نہیں ہے۔
انھوں نے کہا کہ اگر حکومت ہمیں رام پوری چاکو بنانے کے لئے لائسنس دیتی ہے اور مالی امداد کرتی ہے تو یہ کاروبار دوبارہ شروع ہو پائے گا ورنہ کوئی بھی ماں باپ اپنے بچوں کو اس کام میں نہیں لگائیں گے۔ سرکار کی اجازت ملنے سے روزگار کے مواقع بھی فراہم ہوں گے ساتھ ہی رام پوری چاکو اپنی منفرد شناخت کو برقرار رکھ پائے گی۔
وزیر اعلی یوگی آدتیہ ناتھ نے کہا تھا کہ اس بار کا ہنر ہاٹ اس لئے خصوصی ہے کیونکہ یو پی حکومت کا 'او دی او پی' (ون ڈسٹرکٹ ون پروڈکٹ) پروگرام ہنر ہاٹ کے ساتھ مل کر کام کرے گا، اس سے بہتر نتائج حاصل ہوں گے۔
محمد یامین کو پوری امید ہے کہ مودی اور یوگی جی اس جانب توجہ دیں گے اور لوگ انہیں اس کے لئے یاد بھی رکھیں گے۔
قابل ذکر ہے کہ 'لوکل فار گلوبل' کا مقصد ملک کے بہترین دستکاروں کے ہنر کو دنیا کے سامنے پیش کرنا جس سے ہمارے لوگوں کی آمدنی میں اضافہ بھی۔
مزید پڑھیں:
بارہ بنکی: اولڈ ایج ہوم میں گرم کپڑوں کی تقسیم
لکھنؤ کا ہنر ہاٹ 'ای پلیٹ فارم' http://hunarhaat.org پر بھی ملک و بیرونی ممالک کے لوگوں کے لئے دستیاب ہے، جہاں سے سیدھے دستکاروں کے دیسی سامانوں کو اچھے سے دیکھ کر خرید سکتے ہیں۔
