اُتر پردیش کی دارالحکومت لکھنؤ میں سی اے اے کے خلاف شاہین باغ کی طرز پر 17 جنوری بعد نماز جمعہ چند خواتین دھرنے پر بیٹھیں اور آج 12 ویں دن بھی اُنکا دھرنہ لگاتار جاری ہے۔
اس دوران 25 جنوری کو گرفتار کی گئی پوجا شکلا کو 27 جنوری کو ضمانت ملی اور اج وہ جیل سے رہا ہوگئی۔
پچیس جنوری کو پولیس نے مظاہرین کی کم تعداد دیکھ کر انہیں وہاں سے ہٹانے کی پوری کوشش کی لیکن خواتین نے سخت رد عمل کرتے ہوئے گھنٹہ گھر سے ہٹنے پر صاف انکار کر دیا۔
یہی وجہ ہے کہ پولیس نے مظاہرین پر سختیاں کی اور کچھ لوگوں کو گرفتار بھی کیا۔
پولیس نے احتجاج میں موجود پوجا شکلا کو گرفتار کر لیا تھا، جن کی 27 جنوری کو ضمانت ہوئی اور آج وہ جیل سے رہا ہو گئی ہیں۔
بتاتے چلیں کہ اس کے پہلے بھی پولیس نے 18 مظاہرین پر ایف آئی آر درج کیا، جن میں 16 خواتین اور دو نوجوان تھے۔ اس کے علاوہ 150 سے زائد نامعلوم افراد پر بھی ایف آئی آر درج کی گئی تھی۔
