بزم خواتین کے زیر اہتمام ماہ ربیع الاول کے موقع پر جلسہ سیرت نبی صلی اللہ علیہ وسلم منعقد کیا گیا۔
اس موقع پر خواتین نے نبی کریم صلی اللہ علیہ وسلم کی بارگاہ میں نعت رسول پاک پیش کیں۔
بزم خواتین ایسی تنظیم ہے جو خواتین کے حقوق اور سماج میں بیداری کے لیے کئی برسوں سے کام کر رہی ہے۔
بزم خواتین کی صدر شہناز سدرت نے ای ٹی وی بھارت سے بات چیت کے دوران کہا کہ سنہ 1934 سے یہ روایت چلی آرہی ہے اور ہماری کوشش ہے کہ اس روایت کو جاری رکھیں۔
انہوں نے کہا کہ نبی کریم صلی اللہ علیہ وسلم محسن انسانیت ہیں، ان کی اطاعت، اللہ کی اطاعت ہے، وہی ہمارے لیے رول ماڈل ہیں، انہیں کے بتائے ہوئے راستے پر چلنا ہم سب کا فریضہ ہے۔
انہوں نے کہا کہ لکھنؤ میں میلاد شریف کا اہتمام اب کم ہی ہو تا ہے کیونکہ تمام لوگ اس کے خلاف ہیں لیکن یہ غلط ہے۔
شہناز سدرت نے مزید کہا کہ اسلام کی تاریخ کو جاننے کے لیے ضروری ہے کہ ہم اس طرح کی تقاریب منعقد کریں تا کہ ہمارے سماج کی نوجوان نسل تاریخ سے واقف ہو اور اصل تعلیمات پر عمل پیرا ہوں۔
معلوم ہو کہ بزم خواتین مسلسل مسلم سماج کی خواتین کے لیے مختلف قسم کے تقریب منعقد کرتی رہتی ہے تا کہ سماج میں بیداری پیدا ہو اور خواتین اپنے حقوق کو جانے اور انہیں حاصل بھی کریں۔
اس طرح کے پروگرام گھروں میں، گاؤں دیہات اور شہروں میں ہونا چاہیے تا کہ ہمارے قوم کے نوجوان بیدار ہوں۔
