JNMC New Principal: پروفیسر راکیش بھارگو میڈیکل کالج کے نئے پرنسپل مقرر

پروفیسر راکیش بھارگو کو علی گڑھ مسلم یونیورسٹی (اے ایم یو) کے جواہر لال نہرومیڈیکل کالج کا پرنسپل مقرر کیا گیا ہے۔ وہ 15 اگست کو عہدے کا چارج سنبھالیں گے۔ Prof Rakesh Bhargava becomes new JNMC Principal

اترپردیش:علیگڑھ مسلم یونیورسٹی رجسٹرار دفتر سے جاری نوٹس اور شعبہ رابطہ عامہ کی جانب سے جاری پریس ریلیز کے مطابق وائس چانسلر پروفیسر طارق منصور کی اجازت سے پروفیسر بھارگو (ڈین فیکلٹی آف میڈیسن) کو اگلے حکم تک جواہر لعل نہرو میڈیکل کالج کا پرنسپل مقرر کیا گیا ہے وہ 15 اگست 2022 کو پرنسپل کے عہدے کا چارج سنبھالیں گے۔Prof Rakesh Bhargava becomes new JNMC Principal

پروفیسر بھارگو فیکلٹی آف میڈیسن کے موجودہ ڈین اور تپ دق و امراض سینہ صدر شعبہ بھی ہیں۔ وہ حال ہی میں ہندوستان میں امراض سینہ کے معالجین کی پہلی انجمن، "نیشنل کالج آف چیست فزیشن" کے صدر مقرر ہوئے ہیں۔

پروفیسر راکیش بھارگو میڈیکل کالج کے نئے پرنسپل مقرر

پروفیسر بھارگو انڈین چیسٹ سوسائی نیشنل کالج آف چیسٹ فزیشنز، انڈین اکیڈمی آف نیورو سائنسز، انڈین ایسوسی ایشن آف برونکولوجی، انڈین میڈیکل ایسوی ایشن نیشنل کالج آف الرجی استھما اینڈ اپلائیڈ امیونولوجی، اے سی سی پی (یو ایس اے) اور یورپین ریسپریٹری سوسائٹی کے لائف ممبر اور فیلو ہیں۔ پروفیسر بھارگو نے 114 سے زائد مقالے قومی اور بین الاقوامی جرائد جیسے کہ چیست ریسپرولوجی، ریسپائریٹری میڈیسن سی ایم ای، کینیڈین ریسپائریٹری جرنل، کینیڈین جرنل آف ایمرجنسی میڈیسن، بایو سائنس ریسرچ بلیٹنز اور نارتھ امریکن میڈیکل جرنل وغیرہ میں شائع کئے ہیں۔

بہار کے وزیر صحت منگل پانڈے نے حال ہی میں پروفیسر بھارگو کو اکنامک ٹائمر کے 'انسپائرنگ پلمونولوجسٹ آف انڈیا' ایوارڈ سے نوازا ۔ ان کے اختصاص کے موضوعات میں برونکوسکوپی، پھیپڑوں کے امراض، الرجی ویکسینیشن، برونکوجینک کارسینوما، دمہ، آنتوں کے امراض پلمونری ہائیپرٹنشن، سی او پی ڈی اور تپ دق شامل ہیں۔