محترمہ پرینکا گاندھی نے منگل کےروز ایک ٹوئٹ میں کہاکہ کانپور واقعے میں کئی خطوط غائب ہونے کی خبریں ہیں جو کہ سنگین معاملہ ہے۔
انھوں نے کہاکہ 'کانپور واقعے میں شہید ہوئے پولیس افسر دیویندر مشرا کا سینیئر افسران کو مارچ میں تحریر کردہ مکتوب اس ہولناک واردات کی طرف اشارہ تھا'۔
کانگریس رہنما نے مزید کہا 'آج کئی خبریں آرہی ہیں کہ وہ خط غائب ہے، یہ سارے حقائق اترپردیش کے محکمہ داخلہ کے طریقہ کار پر سنگین سوال کھڑے کرتے ہیں۔
خیال رہے کہ کانگریس کی جنرل سیکریٹری پرینکا گاندھی نے میڈیکل داخلہ امتحان میں پسماندہ طبقہ کے طلبا کے لیے ریزرویشن کی سہولت نافذ نہ کرنے کو اس طبقہ کے نوجوانوں کے ساتھ ناانصافی بتایا اور ساتھ ہی انہوں نے کہا کہ وزیراعظم مودی کو اس تعلق سے کانگریس صدر سونیا گاندھی کے خط پر غور کرنا چاہیے۔
انہوں نے اپیل کی کہ لوگ بڑھتے جرائم کے خلاف اپنا پیغام فیس بک لائیو، ٹوئٹر، انسٹاگرام کے ذریعہ پوسٹ کرسکتے ہیں، اگر ان کو کوئی بھی پریشانی ہے تو اس ضمن میں وہ خط لکھ کر ضلع کانگریس کمیٹی کے کارکنوں یا دیگر کانگریس رہنماں کو دیں، ان سبھی خطوط کو اکٹھا کرکے کانگریس پارٹی اترپردیش کے گورنر اور این ایچ آر سی کو دے گی۔
