اتر پردیش کے سدھارتھ نگر میں سڑک حادثے میں لوگوں کی موت پر غم کا اظہار کرتے ہوئے وزیر اعظم نریندر مودی نے اتوار کو جان گنوانے والوں کے لواحقین کو دو دو لاکھ روپے کی مالی امداد کا اعلان کیا۔ مودی نے ٹویٹ کیا کہ اتر پردیش کے سدھارتھ نگر میں سڑک حادثہ انتہائی دردناک ہے۔ میری تعزیت سوگوار خاندان کے افراد کے ساتھ ہے۔ ایشور ان کو یہ ناقابل برداشت صدمہ برداشت کرنے کی ہمت دے۔ میں تمام زخمیوں کی جلد صحت یابی کی دعا کرتا ہوں۔ PM Announces Financial Assistance
علاوہ ازیں وزیراعظم آفس نے حادثے میں جانیں گنوانے والوں کے لواحقین اور زخمیوں کے لیے معاوضے کا اعلان کیا۔ وزیر اعظم کے دفتر نے ٹویٹ کیا کہ وزیر اعظم نریندر مودی نے اتر پردیش کے سدھارتھ نگر میں سڑک حادثے میں جان گنوانے والوں کے لواحقین کے لیے پی ایم این آر ایف سے ہر ایک کو 2 لاکھ روپے کی مالی اعانت دینے کا اعلان کیا ہے۔ زخمیوں کو 50-50 ہزار روپے دیے جائیں گے۔PM On Siddharth Nagar Road Accident
یہ بھی پڑھیں: Road Accident In Ramban: رامبن میں سڑک حادثہ، دس افراد زخمی
واضح رہے کہ اتر پردیش کے سدھارتھ نگر ضلع میں نیشنل ہائی وے 28 پر ایک بولیرو کے کھڑے ٹرک سے ٹکرا جانے سے نو افراد ہلاک ہو گئے۔ دیگر دو افراد شدید زخمی ہیں۔ اتر پردیش کے وزیر اعلی یوگی آدتیہ ناتھ نے بھی سڑک حادثے میں لوگوں کی موت پر افسوس کا اظہار کیا ہے۔ انہوں نے عہدیداروں کو زخمیوں کا مناسب علاج یقینی بنانے کی ہدایت دی ہے۔ PM On Siddharth Nagar Road Accident
یواین آئی
