بریلی حج سیوا سوسائٹی کے بانی پمّی خان وارثی نے کہا کہ کورونا وائرس کی وجہ سے لوگ کہیں بھی آنے جانے سے گریز کر رہے ہیں۔ پوری دنیا سے پروازیں منسوخ کردی گئیں۔ پہلی مرتبہ ایک وبا کی وجہ سے مکہ اور مدینہ شہر میں آمد و رفت بند کردی گئی ہے۔ طواف کعبہ شریف اور مدینہ شریف کا دیدار کرنے میں عازمین قاصر ہیں۔ اس دوران درگاہ ناصر میاں میں شرکت کے لیے آنے والے زائرین نے کورونا وائرس کے جلد خاتمہ کی دعا کی۔ پوری دنیا میں جو لوگ اس میں مبتلا ہیں یا متاثر ہیں، انہیں اس وبا سے جلدی راحت ملے ان کے لیے خصوصی دعا کی گئی۔
بریلی حج سیوا سوسائٹی کے عہدے داران نے بتایا کہ کورونا وائرس سے بچنے کے لیے معاشرتی فاصلہ سب سے بڑا ہتھیار ہے۔ اس مہلک بیماری کو معاشرتی فاصلے سے قابو کیا جاسکتا ہے۔ اس سے چھٹکارا پانے کے لیے وزیراعظم کی اپیل پر عمل کرنا چاہیے۔ اس کا فائدہ پورے ملک کے عام لوگوں کو ہے۔ صرف معاشرتی فاصلے پر رہنے والے ہی کرونا کو شکست دے سکتے ہیں۔
