اترپردیش کے ضلع پریاگ راج میں گزشتہ 16 دنوں میں کورونا سے 21 افراد کی موت ہوئی ہے۔
چیف میڈیکل افسر دفتر سے جاری اعداد و شمار کے مطابق گزشتہ مہینے تک کورونا انفیکشن سے جہاں اموات کا نمبر دہائی ہندسے میں نہیں تھا تو وہیں اس مہینے میں اب تک 21 افراد کی اموات ہوچکی ہیں۔ انہوں نے بتایا کہ 31 مئی تک صرف 87 کورونا متاثرین کی شناخت ہوئی تھی اور صرف تین افراد کی موت واقع ہوئی تھی۔
اعداد و شمار کے مطابق 30 جون تک ضلع میں مجموعی متاثرین کی تعداد 286 تھی اور مہلوکین کی تعداد صرف آٹھ تھی۔ لیکن جولائی میں جہاں متاثرین کی تعداد میں تیزی سے اضافہ ہوا ہے تو وہیں اموات کی تعداد 21 ہوگئی ہے۔ انہوں نے بتایا کہ یکم جولائی تا 16 جولائی کے درمیان ضلع میں 21 کورونا متاثرین جاں بحق ہوئے ہیں۔ اور ان 16 دنوں میں متاثرین کی تعداد 466 تک پہنچ گئی ہے۔
اس وقت ضلع میں کورونا وائرس کے مجموعی متاثرین کی تعداد 752 ہے جبکہ مجموعی طور سے ہلاک ہونے والے افرد کا ہندسہ 29 تک پہنچ گیا ہے۔ ڈاکٹروں کے مطابق 70 فیصدی مریض جب ان کی حالت کافی خراب ہوجاتی ہے اس کے بعد ہی جانچ کے لئے آتے ہیں۔
