ایٹہ: پولیس گاڑی نیل گائے سے ٹکرائی، پانچ زخمی

اترپردیش کے ضلع ایٹہ کے جیتھرا علاقے میں پولیس اہلکار کی ایک گاڑی روڈعبور کررہے نیل گائےسے ٹکرا گئی۔ جس ایک سب انسپکٹر سمیت پانچ پولیس اہلکار زخمی ہوگئے۔

ایڈیشنل سپرنٹنڈنٹ آف پولیس سنجے کمار نے بتایا کہ جیتھرا تھانے میں تعینات سب انسپکٹر سریندر کمار ایک ہوم گارڈ اور تین کانسٹیبلوں کے ساتھ پرائیویٹ کا سے گشت کررہے تھے۔

بدھ کی رات تقریبا دس بجے ان کی کار کے آگے اچانک نیل گائے آگئی۔ حادثے میں کمار کے علاوہ سپاہی عابد خان، رام وکیل، دویند کمار اور گوروکمار زخمی ہوگئے ۔

انہوں نے بتایا کہ سبھی زخمیوں کو ہسپتال میں داخل کرایا گیا ہے۔ اطلاع ملنے پر پولیس افسران نے زخمی ملازمین کا ہسپتال جاکر حال چال معلوم کیا۔ سبھی کی حالت خطرے سے باہر ہے۔