امروہہ: پولیس نے غیر قانونی شراب برآمد کی، دو گرفتار

امروہہ ضلع کی گجرولا پولیس نے چیکنگ کے دوران ہریانہ مارک شراب کی ایک بڑی مقدار پکڑی ہے، جس میں ایک ملزم کھیتوں میں سے بھاگنے میں کامیاب ہوگیا۔ جبکہ پولیس دو ملزمین کوگرفتار کرنے میں کامیاب ہوگئی ہے۔

ریاست اتر پردیش کے امروہہ ضلع میں جرائم پر قابو پانے کی مہم کے تحت گجرولا پولیس نے بڑی کامیابی حاصل کی ہے۔ آنے والے تہواروں کو مدنظر رکھتے ہوئے، برج گھاٹ کی چوکی پر چیکنگ کے دوران ایک چھوٹا ہاتھی میں 135 پیٹی شراب اور ملزمان کو گجرالہ پولیس نے شراب مافیا اور ناجائز شراب کے خلاف مہم کے دوران گرفتار کیا ہے۔

امروہہ ضلع کے ایڈیشنل سپریٹنڈنٹ آف پولیس اجے پرتاپ سنگھ نے بتایا کہ، پولیس نے تقریباً پانچ لاکھ روپیے کی غیر قانونی شراب کو پولیس نے چیکنگ کے دوران برآمد کیا ہے۔

پولیس نے دو ملزمین کو شراب سمیت گرفتار کیا ہے، جبکہ ان کا ایک ساتھی فرار ہونے میں کامیاب ہوگیا۔'

گرفتار ملزمان نے تفتیش کے دوران بتایا کہ وہ ہریانہ سے شراب لاتے ہیں اور اسے مراد آباد اور امروہہ کے آس پاس کے علاقوں میں سپلائی کرتے ہیں۔ پولیس نے گرفتار ملزم کے خلاف مقدمہ درج کرکے جیل بھیج دیا ہے۔