اتر پردیش 2022 اسمبلی انتخابات کو لے کر ریاست میں سیاست کی سرگرمیاں تیز ہوگئی ہیں۔ پیس پارٹی کے نیشنل صدر ڈاکٹر محمد ایوب مرادآباد پہنچے اور پیس پارٹی کے مغربی دفتر کا افتتاح کیا۔ ڈاکٹر ایوب نے میڈیا سے بات چیت کرتے ہوئے کہا کہ 'ہم سمپورن سوراج یاترا لیکر نکلے ہیں ہماری اس یاترا کا مقصد اتر پردیش میں ہورہی لوگوں کے ساتھ ناانصافی اور خواتین پر ہورہے ظلم کے خلاف اور کسانوں کی حمایت میں ہے۔'
ڈاکٹر ایوب نے کہا کہ 'پیس پارٹی پورے اتر پردیش کی 403 سیٹوں پر الیکشن لڑے گی ہماری پارٹی کا اتحاد راشٹریہ علماء کونسل سے ہوچکا ہے۔
وزیر اعظم نریندر مودی پر تنقید کرتے ہوئے انہوں نے کہا کہ 'وزیر اعظم نریندر مودی سے زیادہ جھوٹا وزیر اعظم ابھی تک نہیں دیکھا گیا وزیر اعظم سب سے زیادہ جھوٹ بولتے ہیں۔ پیس پارٹی کسانوں کی حمایت میں کھڑی ہے اور بی جے پی کسانوں کو نقصان پہنچارہی ہے۔
یہ بھی پڑھیں: یوپی میں خواتین کی مدد سے کانگریس حکومت بنائے گی: سلمان خورشید
پیس پارٹی مرادآباد کی 6 سیٹوں پر انتخاب لڑے گی۔ پیس پارٹی آپسی اتحاد، عام لوگوں کے ساتھ ہورہی ناانصافی، بڑھتی مہنگائی، لکھیم پور کھیری کے موضوع پر انتخاب لڑے گی۔
انہوں نے لکھیم پور کھیری معاملہ پر بولتے ہوئے کہا کہ 'اتر پردیش کی سرکار لوگوں کو ڈرا دھمکاکر اپنی سرکار بنانا چاہتی ہے۔'
