ریاست اترپردیش میں اسکول فیس معافی کو لے کر الفا ون سیکٹر نوئیڈا میں واقع سینٹ جوزف اسکول کے سامنے والدین اور سرپرستوں نے احتجاجی مظاہرہ کیا۔ ان کا مطالبہ ہے کہ اپریل ، مئی اور جون کی فیس معاف کی جائے۔ انھوں نے کہا کہ کورونا کی وبا کی وجہ سے بہت سے والدین اپنی ملازمت سے ہاتھ دھو بیٹھے ہیں۔ بہت سے افراد کی تنخواہوں میں کٹوتی ہو رہی ہے۔ ایسی صورتحال میں اسکولز اپریل ، مئی اور جون کی فیسوں کا مطالبہ کر رہے ہیں۔ جوکہ نامناسب ہے۔
انھوں نےریاستی حکومت سے درخواست کی ہے کہ اپریل ، مئی اور جون کی فیسز معاف کردئے جائیں۔ اور جب تک آن لائن کلاسز چل رہی ہیں، صرف ٹیوشن فیس وصول کی جائے۔دوسری جانب اسکول انتظامیہ کا کہنا ہے کہ حکومت کی جانب سے اس سلسلے میں کوئی احکامات جاری نہیں کیے گئے ہیں۔
