کورونا وائرس کے سبب ملک بھر میں لاک ڈاؤن چل رہا ہے جس کی وجہ سے گزشتہ دو ماہ سے زیادہ ملک میں سبھی عبادت گاہ بند ہیں لیکن آج سے حکومت کی ہدایت کے مطابق سبھی عبادت گاہ کھولی گئی ہیں جس میں صرف ایک وقت میں 5 ہی افراد کو عبادت کرنے کی اجازت ملی ہے۔
علی گڑھ: صرف پانچ ہی افراد مسجد میں نماز ادا کریں گے مسجد میں بھی ایک وقت میں صرف پانچ ہی افراد نماز ادا کرسکتے ہیں حکومت کے اس فیصلے سے علیگڑھ کے شہر مفتی محمد خالد حمید خوش نظر نہیں آئے ان کا کہنا ہے کہ 'اس فیصلے کو میں قبول نہیں کر پا رہا ہوں۔ باوجود اس کے انہوں نے ایک خصوصی اپیل اور ویڈیو جاری کر کے عوام سے اپیل کی ہے کہ وہ احتیاط برتیں اور نماز اپنے گھروں پر ہی ادا کریں۔ محمد خالد حمید علیگڑھ شہر مفتی نے بتایا 'میں یہ صاف کر دوں جب انتظامیہ نے یہ اعلان کیا آٹھ جون کو تمام عبادت گاہ کھل جائیں گی تو یقینی طور پر باقاعدہ مسجد میں نماز پڑھنے کی اجازت ہوگی اور جماعتیں ہوں گی لیکن کل سے جو تصاویر سامنے آئی ہیں اس سے واضح ہو گیا ہے کہ کل پانچ افراد کی اجازت ہے تو یہ بالکل بے معنی ہے ہم اس کو مستردک رتے ہیں اور وہی طریقہ جو چلتا آ رہا ہے وہیں چلے گا یعنی اپنے گھروں میں نماز ادا کریں۔شہر مفتی نے مزید کہا کہ 'لیکن یہ بہت افسوس کی بات ہے کہ انہوں نے بڑے پیمانے پر اعلان کیا تھا تو اگر ان کا یہی سب کرنا تھا تو بجائے 8 کے 30 تاریخ کرتے اور بھی کر لیتے۔ تمام پابندی بدستور ہے لوگ اطمینان سے بیٹھے ہوئے تھے اور بیٹھے رہتے۔
