حلف برداری کی تقریب میں نو منتخب ضلع پنچایت صدر کو ضلع مجسٹریٹ ڈاکٹر آدرش سنگھ نے جبکہ تمام اراکین کو پنچایت صدر راج رانی راوت نے حلف دلایا۔
اس موقع پر خطاب کرتے ہوئے نو منتخب ضلع پنچایت صدر راج رانی راوت نے کہا کہ وہ ضلع پنچایت کی کرسی پر بیٹھنے کے بعد ترقیاتی کاموں کو آگے بڑھائیں گی اور تمام اراکین کو ساتھ لے کر چلیں گی کیونکہ پارٹی لائن سے ہٹ کر جو اعتماد انہوں نے مجھ پر دِکھایا ہے اس پر وہ کھری اتر سکیں۔
رکن پارلیمان اوپیندر راوت نے کہا کہ ہم لوگوں نے وزیراعظم نریندر مودی کے نعرے 'سب کا ساتھ سب کا وکاس اور سب کا وشواس' کے ساتھ کام کیا اس لیے انہیں تمام پارٹیوں کی حمایت حاصل ہوئی اور راج رانی راوت جیسی تعلیم یافتہ خاتون ضلع پنچایت صدر منتخب ہوئیں۔
یہ بھی پڑھیں: بدایوں پنچایت الیکشن: بی جے پی پر بوگس ووٹنگ کا الزام
وہیں اس موقع پر سماجوادی پارٹی کے سابق رکن پارلیمان رام ساگر راوت نے یقین دہانی کرائی کہ وہ ترقی کے کاموں میں مکمل تعاون کریں گے۔
