اترپردیش میں کورونا وائرس تیزی سے پھیل رہا ہے۔ کرونا وائرس نے 57 اضلاع میں ہنگامہ برپا کررکھا ہے۔ ہفتے کی صبح کورونا وائرس کے 43 نئے کیس رپورٹ ہوئے ہیں۔
ان میں لکھنؤ سے 20، آگرہ سے 11، سیتا پور سے 3 اور سہارن پور سے 9 کیس شامل ہیں۔ اس کے ساتھ ہی ریاست میں کورونا سے متاثرہ مریضوں کی تعداد 1664 تک جا پہنچی ہے۔
اب تک 226 مریضوں کو کورونا وائرس سے ٹھیک ہوئے ہیں اور انہیں چھٹی دے دی گئی ہے۔ وہیں 25 افراد کورونا وائرس سے ہلاک ہوئے ہیں۔ ریاست بھر میں قرنطینہ مریضوں کی تعداد 11936 ہے۔ اس کے ساتھ ہی 1499 مریضوں کو آئسولیشن وارڈ میں داخل کیا گیا ہے۔
