نوئیڈا:ریاست اترپردیش کے نوئیڈا ضلع فارماسیوٹیکل ڈپارٹمنٹ نے کھانسی کے شربت کے 36 نمونے اور دوا ساز کمپنی کی طرف سے سپلائی کے لئے تیار کی جا رہی دوائیوں کو جانچ کے لئے چنڈی گڑھ بھیج دیا تھا۔ یہ نمونے مختلف وقفوں پر لئے گئے تھے۔ 21 نمونے ایک ہی پروڈکٹ کے تھے جو ازبکستان اور دیگر ممالک کو بھیجے گئے تھے، حالانکہ بیچ نمبر مختلف تھے۔ اس کے علاوہ کیپسول، کریم اور دیگر ادویات کے نمونے لیے گئے۔ اس کے محکمے کی جانب سے کمپنی کے دستاویزات کی بھی جانچ کی گئی ۔
مرکزی وزارت صحت، سینٹرل ڈرگ اسٹینڈرڈ کنٹرول آرگنائزیشن، میرٹھ ڈویژن کے فوڈ اینڈ ڈرگ انسپکشن کے جوائنٹ ڈائریکٹر کے ساتھ نمونے لیے گئے۔ تحقیقات کے دوران 22 نمونے معیار پر پورا نہیں اترے۔ اس کے بعد ضلع فارماسیوٹیکل ڈیپارٹمنٹ کی دوا ساز کمپنی کے خلاف ایف آئی آر درج کرائی گئی۔ اس کے علاوہ، محکمہ نے ناکام نمونے اور ایف آئی آر کا ایک مسودہ تیار کیا تھا۔ اسے کمپنی کا لائسنس منسوخ کرنے کے لئے اسٹیٹ لائسنسنگ اتھارٹی کو بھیج دیا تھا۔ اس پر کارروائی کرتے ہوئے کمپنی کا لائسنس منسوخ کر دیا گیا ہے۔
ڈسٹرکٹ ڈرگ انسپکٹر ویبھو ببر نے بتایا کہ جنوری میں سیکٹر 67 کی میریون بائیوٹیک پرائیویٹ لمیٹڈ کمپنی کے 36 نمونے تحقیقات کے لیے بھیجے گئے تھے۔ ان میں سے 22 نمونے معیار پر پورا نہیں اترے۔ کمپنی کے خلاف ایف آئی آر درج کرائی گئی۔ اس کی بنیاد پر کمپنی کا لائسنس منسوخی کے لیے اسٹیٹ لائسنسنگ اتھارٹی کو بھیجا گیا تھا۔ واضح رہے کہ کمپنی کے ڈائریکٹر کو بیرون ملک جانے سے روکنے کے لئے مقدمہ درج کر لیا گیا تھا۔ریاستی اتھارٹی نے دوا ساز کمپنی کا لائسنس منسوخ کر دیا ہے اور اس کی رپورٹ محکمہ فارماسیوٹیکل اور فارماسیوٹیکل کمپنی کو بذریعہ ڈاک بھیج دی ہے۔ کمپنی کی ادویات کی سپلائی جنوری میں ہی بند کر دی گئی تھی۔
یہ بھی پڑھیں:Muslim Musafir Khana لکھنؤ میں مسلم مسافر خانے کا نام بدلا گیا، لیکن تصویر نہیں بدلی
ازبکستان میں بچوں کی موت کا معاملہ سامنے آنے کے بعد دوا ساز کمپنی کے سیرپ کے نمونے جانچ کے لیے 29 دسمبر کو چندی گڑھ کی لیب میں بھیجے گئے تھے۔ رپورٹ آنے سے پہلے ہی 9 جنوری کو کمپنی میں پیداوار روک دی گئی تھی۔ اس کمپنی کی تیار کردہ ادویات کمبوڈیا، ازبکستان، کرغزستان اور دیگر ممالک کو برآمد کی جاتی ہیں۔ تحقیقات میں 36 میں سے 22 نمونے فیل ہوئے۔ کمپنی کے تین لوگوں کو گرفتار کیا گیا اور فارماسیوٹیکل کمپنی کا لائسنس منسوخ کرنے کے لیے ایف آئی آر کا مسودہ اسٹیٹ لائسنسنگ اتھارٹی کو بھیجا گیا تھا۔
