نوئیڈا میں صفائی ملازمین میونسیپل اتھارٹی کے خلاف اپنی جائز مانگیں پوری نہ ہونے کے سلسلے میں مسلسل احتجاج کر رہے ہیں، احتجاج کے دوران پولیس نے ملازمین پر لاٹھی چارج کیا، جس کے بعد احتجاجیوں نے پر تشدد شکل اختیار کر لی۔
پولیس کی لاٹھی چارج کے بعد صفائی ملازمین نے نوئیڈا میونسیپل اتھارٹی کی طرف جانے والے راستوں کو بلاک کر دیا اور مظاہرے جاری ہیں۔
صفائی ملازمین کا کہنا ہے 'اتھارٹی اور پولیس کا رویہ غیر آئینی ہے اور یہ آئینی اقدار کی خلاف ورزی ہے، اپنے حقوق کے لئے عوام کی تحریک آئینی حق ہے اور ہم لوگ اس لڑائی کو منطقی انجام تک پہنچانے کا عہد کرتے ہیں'۔
صبح سے ہی صفائی ملازمین نے نوئیڈا اتھارٹی کی طرف جانے والے راستوں پر ڈیرہ جما لیا ہے اور احتجاج اور مظاہرے جاری ہیں۔
یہ بھی پڑھیے
' 30 ستمبر کو عدالت سے منصفانہ فیصلے کی توقع ہے'
صفائی ملازمین کو اس لڑائی میں سیاسی جماعتوں کی حمایت بھی حاصل ہے، جن میں کانگریس، سماج وادی پارٹی اور عام آدمی پارٹی شامل ہیں۔
نوئیڈا اتھارٹی کے دفتر کے باہر احتجاج پر بیٹھے صفائی کارکنوں کا کہنا ہے 'نوئیڈا اتھارٹی میں کنٹریکٹ سسٹم کے خاتمے، موبائل ایپس سے حاضری نہ لگانا اور بونس کی مانگ جب تک پوری نہیں ہوتی، احتجاج جاری رہے گا۔
