نوئیڈا کے سرکاری اسپتالوں کی تعریف کرنے والے نوئیڈا کے بی جے پی رہنماؤں کو بھی ان اسپتالوں پر اعتماد نہیں ہے۔
نوئیڈا کے بی جے پی کے رکن اسمبلی اور مرکزی وزیر راجناتھ سنگھ کے بیٹے پنکج سنگھ کورونا سے متاثرہ ہیں۔ انہوں نے نوئیڈا کے اسپتالوں میں داخل ہونے کے بجائے دہلی کے ایمس کا رخ کیا اور وہاں داخل ہو گئے ہیں۔ وہ نوئیڈا کے سیکٹر 39 میں واقع اسپیشل کووڈ اسپتال میں داخل نہیں ہوئے۔جس اسپتال کو وزیر اعلیٰ یوگی نے مغربی اترپردیش کا سب سے بہترین اسپتال قرار دیا تھا۔
سرکار نے کروڑوں روپے کے اخراجات سے اس اسپتال کو مکمل کیا تھا۔ حیران کن بات یہ ہے کہ اس اسپتال کے سی ایم او نے خود اپنا علاج پرائیویٹ فورٹیز اسپتال میں کرایا تھا جبکہ دادری کے رکن اسمبلی نے کیلاش میں اپنا علاج کرایا۔ ان کے اقدامات سرکاری اسپتالوں پر سوالیہ نشان کھڑے کر رہے ہیں، ساتھ میں عوامی نمائندوں کی ترجیحات سے بھی عوام میں ناراضگی پائی جاتی ہے۔
