اتر پردیش کے نوئیڈا میں کورونا وائرس سے بچاؤ اور اس کے روک تھام کے لئے ضلع میں 22 مقامات کو ہاٹ اسپاٹ کے تحت سیل کردیا گیا ہے۔
اس حوالے سے ضلعی مجسٹریٹ سہاس ایل وائی اور پولیس کمشنر آلوک سنگھ نے مشترکہ طور پر جائے وقوع کا دورہ کیا۔ افسران کو ہدایت دی گئی ہے کہ تمام شہریوں کو اپنے اپنے گھروں میں رہنے کے لئے پابند کریں۔
ساتھ ہی ڈیوٹی پر تعینات افسران تمام شہریوں کو ڈور ٹو ڈور ضروریاتی اشیاء کی دستیابی کی کارروائی کو یقینی بنائیں۔
ڈسٹرکٹ کلکٹر اور پولیس کمشنر نے نوئیڈا سیکٹر 8 ، سیکٹر 37، کیپ ٹاؤن سیکٹر 78، گریٹر نوئیڈا میں گور سٹی اور نریلا گرین شری کا مشترکہ طور پر جائے وقوع کا معائنہ کیا۔
