میمورنڈم میں سویگی ڈلیوری بوائز کا مطالبہ ہے کہ انہیں فی آرڈر 35 روپے دئے جائیں اور ملٹی آرڈر میں 20 روپے فی ٹرپ ادا کئے جائیں۔ علاوہ ازیں چارج 5 روپے فی کلو میٹر سے بڑھا کر 6 روپے فی کلو میٹر کیا جائے۔
مستقل ملازمت پر مامور ڈلیوری بوائز کو ہر ماہ 3000 روپے اور غیر مستقل ملازمین کو 2000 روپے ماہانہ مراعات ادا کئے جائیں۔ ساتھ ہی نائٹ چارج الگ سے دیے جائیں۔
ان جیسے مزید مطالبات کو لے کر سیکڑوں سویگی ڈلیوری بوائز نے مجسٹریٹ دفتر کے باہر مظاہرہ کیا۔ اس کے بعد سیکٹر 2 سویگی کے سامنے بھی مظاہرہ کیا اور کہا کہ اگر مطالبات تسلیم نہیں کئے گئے تو بے معیادی ہڑتال کو جائیں گے۔